آپ کی فراغت جامعۃ الرشید کراچی سے2017ء میں ہوئی۔ 2018ء میں فقہ اسلامی اور حلال ریسرچ میں تخصص جامعۃ الرشید کراچی سے کیا۔ جامعة الرشيد بٹل کیمپس مانسہرہ میں پانچ سال فقہ و فلکیات کی تدریس کی۔ آپ انٹرنیشنل اسلامک یونیورسٹی ملائیشیا سے اسلامک سٹڈیزمیں پی ایچ ڈی بھی مکمل کر چکے ہیں۔ اس وقت مدرسہ ڈاٹ-پی-کے میں جنرل مینیجر و شعبہ یونیورسٹی سٹڈیز علمی مشغولیت کے مسؤل ہیں۔

فراغت مدرسہ عربیہ رائے ونڈ سے 2004ء میں ہوئی۔ فقہ میں تخصص کے بعد انٹرنیشنل اسلامک یونیورسٹی اسلام آباد سے ماسٹرز کیا۔ گزشتہ سولہ سال سے مختلف اداروں کے ساتھ تدریسی، آپریشنز، آئی ٹی، پروجیکٹ مینجمنٹ میں خدمات انجام دے رہے ہیں اور مدرسہ ڈاٹ-پی- کے کے ڈائریکٹر ہیں-

آپ نے جامعۃ الرشید کراچی سے 2015ء میں فراغت حاصل کی اور 2016ء میں کلیۃ الدعوۃ ایک سالہ کورس مکمل کیا۔ آپ نے 2018ء تا 2024ء شعبہ تحفیظ القرآن جامعۃ الرشید میں معاون مسؤول کے طور پر خدمات سرانجام دیں۔ جنوری 2025ء سے آپ مدرسہ ڈاٹ پی کے میں شعبہ تربیت و شخصیت سازی کے مدیر کے طور پر فرائض سرانجام دے رہے ہیں، جہاں آپ دینی مدارس کے اساتذہ کی تربیت اور شخصیت سازی میں اہم کردار ادا کر رہے ہیں۔

فراغت جامعہ انوارُالاسلام ایبٹ آباد سے 2014ء میں ہوئی۔ بعد ازاں 2024ء میں علامہ اقبال اوپن یونیورسٹی اسلام آباد سے بی اے مکمل کیا۔ چار سال (2018) تک جامعہ انوارُالاسلام ایبٹ آباد میں تدریس کے ساتھ ساتھ انتظامی امور کی نگرانی کے فرائض بھی انجام دیتی رہیں ہیں ۔ اس وقت مدرسہ ڈاٹ پی کے میں شعبۂ تربیت کے سہ ماہی اور یک سالہ کورسز میں معلمات کی مسؤلہ کے طور پر خدمات سرانجام دے رہی ہیں۔

فراغت جامعہ محمدیہ ساہیوال سے 2019ء میں ہوئی۔ بی ایس اسلامک سٹڈیز جامعۃ الازہر قاہرہ مصر سے کیا۔ ایم فل اسلامک سٹڈیزرفاہ انٹرنیشنل یونیورسٹی فیصل آباد سے جاری ہے۔ مدرسہ ڈاٹ-پی-کے میں مجلس عاملہ کے ممبر اور بطور سینیئر ٹرینر کام کر رہے ہیں۔

فراغت جامعۃ الکوثراسلام آباد سے 2008ء میں ہوئی۔ پی ایچ ڈی مکمل کی۔ تدریس و تالیف کے شعبے کے ساتھ منسلک ہیں۔

ابرار حسین خان یوسف زئی (سوشل میڈیا ۔ ابرار خان یوسف زئی) تعلیمی قابلیت : ایم فل اسلامیات کوئی پانچ کے قریب آرٹیکل پبلش کیے ہیں اس کام میں سستی دیگر ذمہ داریوں کہ وجہ سے ہورہی ہے۔ کئی احباب اور کلائنٹس کی پی ایچ ڈیز اور آرٹیکلز میں پیڈ اور فری معاون کی خدمات فراہم کی ہیں لیکن خود ابھی تک پی ایچ ڈی کا موقعہ نہیں مل پایا ٹیکنالوجی کی واقفیت : ماسٹرز ان اسلامک اسٹڈیز اینڈ کمپیوٹر ٹیکنالوجی (یہ میری ماسٹر کی ڈگری ہے) 1996 سے کمپیوٹر کے حوالےسے ایک شوق کا آغاز ہوا، کراچی میں اپنا ایک انسٹیٹوٹ کھولا، جب کمپیوٹر ابتدائی سافٹوئیر کے ساتھ چلایا جاتا تھا۔ یعنی ڈوس، پھر ونڈوز نے قدم رکھا اور اس کی تدریس بھی کی۔ ملیرکینٹ کراچی آرمی پبلک سکول میں ایک ادارے ایم آئی ٹی میں کمپیوٹر کے شعبے میں جاب اختیار کی اور پھر اسی ادارے نے نئے نام مِڈ ایشیا کے نام سے نارتھ کراچی میں ادارہ بنایا ان اداروں میں اسلامیات اور کمپیوٹر کی تدریس کی۔ اور ان کی لیب کے سپرویژن اور نیٹ ورک ایڈمنسٹریٹر کی ذمہ داری بھی نبھائی۔ اس ادارے کا شفٹ انچارج رہا۔ پھر تھائی لینڈ، سعودی اور یوکے کا چکر لگا۔ واپسی پر پشاور میں پشاور میڈیکل کالج میں اسلامیات کے شعبہ میں تدریس سے منسلک ہوا۔ یہاں پر شریعہ ایڈوائزری اور ریسرچ کے کاموں میں ایک ممبر اور خادم کی حیثیت سے تاحال شریک ہوں۔ آج ہی مفتی صاحب کی ذمہ داری دینے سے پہلے مجھے اطلاع دی گئی کے کالج کے میڈیا منیجمنٹ کی ذمہ داری بھی سونپی جارہی ہے۔ پشاور میڈیکل کالج اب باقاعدہ رفاہ یونیورسٹی کا کیمپس بن چکا ہے یوں سمجھیں اب ہم رفاہ کے نام سے جانے جائیں گے۔ 2012ء سے پشاور میں کمپیوٹر سے متعلق مختلف سرگرمیوں میں شریک رہا ہوں۔ قرطبہ یونیورسٹی سے ایم فل کیا اور وہاں بھی ریسرچ کے حوالے سے سکالرز کو ٹریننگ دی۔ آن لائن خان ٹیک آن لائن کے نام سے ریسرچ اور ایکڈمک سروسز کا باقاعدہ آغاز تقریبا 2020ء سے جاری ہے۔

واجد علی تونسوی کا تعلق علمی اور ادبی ماحول رکھنے والے شہر تونسہ سے ہے۔ انہوں نے بی اے اور درسِ نظامی کے ساتھ تخصص فی الافتاء و الحلال کیا ہے اور علمی تحقیق و فکری موضوعات پر گہری نظر رکھتے ہیں۔ آپ انٹرنیشنل یونین آف رائٹرز کے رکن ہیں۔ آپ کے کالم روزنامہ اسلام، روزنامہ اساس جیسے معروف اخبارات سمیت ملک کے درجنوں دیگر اخبارات میں شائع ہوتے ہیں۔ ازبکستان کے پلیٹ فارم ’’تاشقند اُردو‘‘ پر بھی آپ کی تحریریں باقاعدگی سے پڑھی جاتی ہیں۔ علمی، فکری اور سماجی موضوعات پر صاف، سادہ اور مدلل انداز میں لکھنا آپ کی نمایاں خصوصیت ہے۔ اسی وجہ سے آپ اس ویب سائٹ کی ایڈیٹوریل ٹیم کے ایک قابلِ اعتماد اور فعال رکن کی حیثیت رکھتے ہیں۔

آپ کی اسلامک یونیورسٹی اسلام آباد سے اصول الدین کے شعبہ عقیدہ و فلسفہ میں پی ایچ ڈی جاری ہے۔ پاکستان سے اصول فقہ اور رد الحاد میں تخصصات مکمل جبکہ قراءات عشرہ میں جاری ہے اس کے علاوہ چند عرب ممالک اور ترکی کے مختلف آن لائن اداروں سے تفسیر، عقیدہ، منطق، لغت اور فقہ وغیرہ میں بعض تخصصات مکمل اور بعض تکمیل کے مراحل میں ہیں۔ آپ معلم القرآن، عقیدہ، رد الحاد اور عربی زبان کی مختلف اداروں میں تدریس کررہی ہیں، اس کے علاوہ اسلامک یونیورسٹی اسلام آباد کے قرآنک سائنسز بلاک (دار منیرہ) میں معاون اور استاد کی حیثیت سے بھی خدمات سرانجام دے رہی ہیں۔

آپ نے 2002ء میں لاہور بورڈ کے تحت منعقدہ امتحان میں چوتھی پوزیشن حاصل کی۔ ایم فل اسلامیات سے قبل اپنی تمام رسمی و دینی تعلیم اسکالرشپ پر حاصل کی۔ 2008ء میں ہیلے کالج آف بینکنگ اینڈ فنانس، یونیورسٹی آف پنجاب لاہور سے MBA کیا۔ 2009ء میں محکمۂ صحت، حکومتِ پنجاب میں گریڈ 17 میں بطور ہیلتھ آفیسر ضلع ننکانہ صاحب تعینات ہوئے، جہاں آپ کی سرکاری ملازمت تاحال جاری ہے۔ ملازمت کے ساتھ دینی تعلیم کا سلسلہ بھی جاری رکھا اور وفاق المدارس السلفیہ پاکستان سے ایم اے (وفاق) امتیازی نمبروں سے مکمل کیا۔ بعد ازاں 2024ء تا 2026ء رفاہ انٹرنیشنل یونیورسٹی فیصل آباد سے ایم فل اسلامیات مکمل کیا۔ خزاں 2026ء میں علامہ اقبال اوپن یونیورسٹی اسلام آباد کے شعبۂ اسلامیات میں پی ایچ ڈی میں داخلہ حاصل کیا۔ تعلیمی و تحقیقی سرگرمیوں کے ساتھ سماجی و فلاحی خدمات میں بھی سرگرم ہیں۔ آپ الاخوة ویلفیئر فاؤنڈیشن، فیروزوٹواں، ضلع شیخوپورہ کے بانی و جنرل سیکرٹری کی حیثیت سے مختلف فلاحی منصوبوں کی نگرانی کر رہے ہیں۔ علاوہ ازیں مدرسہ ڈاٹ پی کے کے ایک سالہ پروگرام میں بطور معاون علمی و انتظامی خدمات انجام دے رہے ہیں۔